Salamlar Mahmud bey, hekayeni ve piyesi oxudum, cox beyendim, dialog, dil ozellekleri deya gozeldir. Haqqinda genis danismaq olar. onemli bir azerbaycan yazari yetishir deye   bilerik, seni tebrik edirem...

Rasim qaraca

سالاملار ماحمود بَي، حئکايه‌ني و پييئسي اوخودوم، چوخ به‌ينديم، ديالوق، ديل اؤزه‌ل‌ليک‌لري ايدييا گؤزلدير. حاققيندا گئنيش دانيشماق اولار. اؤنملي بير آذربايجان يازاري يئتيشير دئيه بيله‌ريک، سني تبريک ائديرم... راسيم قاراجا

«لاپ او اوزاقلاردا» اؤيكو توپلوسونا بیر باخيش

(ايكينجي بؤلوم) محمود مهدوي

گومبول سرباز بوردا كئشيك چكيردي

بو اؤيكو اون­ایکی صحيفه‌ده يازيلمیش­سا دا، یازیچی آنجاق یئددینجی صحيفه‌ده اوشاق­لارین نه دالسيیجا اولدوق­لارینی آشكارلایير. حالبوكي بيزده اؤيكونون آردینی ایزله­مک ماراغي يارانسین دئیه، یازیچی اؤتن صحيفه‌لرده طلب اولونان دورومو ياراتماييب. منجه مؤوضونو بو بئله اوزاتماق يئرسيز اولوب، اوشاق­لارين هره‌سي­نين آغزينا بير سؤز آتماق ايسه يارارسيز اولموشدور. دئمه‌لي اوشاق­لاري قورغوشون آتيلان يئره (عسکرلرین مشق مئیدانینا) چاتديرماغا گؤره، یئددی صحيفه‌ني دولدورماق كلمه‌لري موفتده خرجلمك­دير. یعنی اؤيكونون بیرینجی حيصه‌سي داليندا سوژئت­له باغلي مؤحكم بیر دوشونجه گؤرونمور. داها دوغروسو، "ائلناز"، "چوبان"ـلا دانيشماغا باشلادیقدان سونرا، اؤيكو گوجلو سويه‌ده یازیلیر. (یعنی بوندان قاباق نه يازيليب‌سا يئرسيز نظره گلير.)